Thrive by Five

1. Efalemo

1.1 Omukanda nguka otagu totomona oompango nomilandu (terms & conditions) wu na okulandula uuna to longitha oshilongitho shetu shika shokomalungula (App) shedhina “Thrive By Five International Parenting” .

1.2 Kala wa lesha oompango monilandu ndhika manga ino tameka okulongitha oshilongitho shika shokomalungula. Ngele ino taamba ko oompango nomilandu ndhika, nena ino longitha oshilongitho shika.

1.3 Oompango nomilandu ndhika odha kwatela mo wo omikanda dhilwe ngaashi Omulandu gwokugamena uuyelele wopaumwene (Privay Policy), ndhoka nadho wo dha kwatelwa kumwe noshilongitho shika.

1.4 Momilandu ndhika iitya tayi landula oyi na omityo tadhi landula:

a) Oshilongitho shokomalungula oshi na omutyo ngaashi gwa gandjwa mokatendo 1.1

b) Ondjukithi yoshilongitho shika ngaashi haku tiwa IP, oyi na omutyo ngaashi gwa longithwa mokatendo 3.1

c) “omunona” otashi ti omunona ngoka ta landula nokuipyakidhila nomaipyakidhilo ngaashi ga gandjwa moshilongitho shika shokomalungula

d) “Omulandu gwuuyelele wopaumwene” otashi ti omulandu ngoka gwa ndandjukununwa mokatopolwa 1.3

e) “epandja” ota li popi kombinga yepandja ndyoka to ka eta po sha ziilila mokatopolwa okatitano (5)

f) “Oshikako” oshi na omutyo ngoka gu li mokatopolwa 9.1 ;

g) Iitya “ngoye” na “shoye” oya kalela po omuntu ngoka ta ka longitha oshilongitho shika shokomalungula, a taamba ko oompango nomilandu dhokulongitha oshilongitho sha tya ngeyi;

h) “Oshikalimo shoye” otashi ti uuyelele auhe mboka wa tula koshilongitho shopamalungula;

i) “Tse” na “shetu” osha kalela po ehangano lyedhina The Minderoo Foundation Pty Ltd (CAN 098 198 684) onga omukalelipo (trustee) mehangano lyoThe Minderoo Foundation Trust (ABN 24 819 440 618)

2. Nkene wu na okulongitha oshilongitho shika

2.1 Ino longitha oshilongitho shika ngele:

(a) Ito tsu kumwe noshitopolwa shontumba shomilandu ndhika; nenge

(b) Ngele elongitho lyoye nenge lyomuntu we mu pa epitikilo a longithe otashi vulika li etithe ekano nenge li ehameke omuntu gulwe, mwa kwatelwa ekano lya etwa koshilongitho shika itaashi longo nawa nenge sha yonuka thilu .

3. Eliko lyiitotwa nenge iindulukwa (Intellectual Property)

3.1 Uumwene woshinima

(a) Otse tu na uuthemba nenge otse ooyene wuuthemba womanduluko moshilongitho shika, mwa kwatelwa woo iinima ayihe yi li moshilongitho (kutya nee oya nyolwa, ohayi monika nomeho nenge ohayi uvika omawi gayo nosho tuu (IP yoshilongitho).

(b) Kakele kolisensa ndjoka ta tu ku pe kohi yokatendo 3.2, inatu ku pa uuthemba wa sha wu vule po mpoka, nenge oshipambuliko shoshilongitho shika shopamalungula.

(c ) Momilandu dha tya ngeyi kamu na sha nande shoka tashi lundululile uuthemba wu na sha nuumwene gwiikwanduluko moshilongitho shika App IP komuntu gulwe iili .

3.2 Olisensa

(a) Otatu ku pe ngeyi epitikilo nenge olisensa ndjoka kayi shi yoye awike, itoo vulu oku yi gandja komuntu gulwe, opo wu longithe oshilongitho shika shopamalungula (App IP) muule wethimbo shaa owala to gwanitha po omilandu dhomuutendo 3.3 na 3.4. Ngele owa kala ino gwanitha po omilandu dhomuutendo ngaashi wa popiwa metetekelo otatu vulu oku ku kutha olisensa nenge uuthemba mbuka, no ito ka vula okulongitha oshilongitho (App) shika we. Uuna omilandu ndhika dha hulithwa po nena olisensa ndjika oya hula po nenge uuthemba welongitho wa tya ngeyi owa hula po.

3.3 Omangambeko melongitho nenge molicence

3.4 Ino:

(a) Longitha oshilongitho shika pamukalo gwa indikwa komilandu ndhika;

(b) Taandelitha, lundulula, okugandja epitikilo komuntu gulwe, nenge u gandje epitikilo komuntu gulwe a longithe oshitopolwa shoshilongitho shika (App) (ngaashi ando okutaandelitha oshitopolwa shoshilongitho shika nenge uuyelele wu li moshilongitho shika mewangandjo lyokomalungula (internet);

(c) Longitha uuthemba wetu nenge omandhindhiliko gehangano lyetu, omawi nenge omauthemba galwe ga kwatelwa moshilongitho shika kakele kelongitho ndyoka lya uthwa.

(d) lundulula, wu ninge shopaumwene andola nenge wu longithe uuyelele wu li koshilongitho mboka wa ndulukwa.

(e) Llongitha oshilongitho shika pamukalo gwoongeshefa, ano tagu ku etele iiyemo tayi zi melongitho lya tya ngeyi.

4. Elongitho lyoshilongitho shokomalungula4.1 Permitted use

4.1 Elongitho lya pitikwa

(a) oto vulu owala okulongitha oshilongitho shika moompumbwe dhoye dhopaumwene nenge dhi na sha nelongo. Oshilongitho shika ino shi longitha nande moongeshefa nenge miinima yasha tayi ku etele iiniwe.

(b) Ino longitha oshilongitho shika nenge uuyelele wa za kepandja ndika:

(1) mokutaandelitha iipindi nenge moongeshefa dhasha;

(2) melongitho lyaa li paveta, tali kengelele nenge ta li ehameke;

(3) mekwatathano li na sha nelongitho lyaahe li paveta, tali kengelele nenge tali ehameke.

4.2 Elongitho kaantu yalwe

(a) Oto vulu okupitika aantu yalwe ya longithe oshilongitho shika shokomalungula nepandja lyoye uuna wa taamba ko omilandu ndhika, ndele kala aluhe:

(1) wa kwashilipaleka kutya aantu mboka yalwe taa longitha otayi iyutha kokatendo 4.1; na

(2) kala wu na ongodhi ndjoka tayi longithwa mokulongitha oshilongitho shika shokomalungula pethimbo ndyoka

(b) Oto ka kala aluhe wu na oshinakugwanithwa shi na sha nelongihto lyoshilongitho shika mongodhi yoye, konima sho wa taamba ko omilandu ndhika nenge wa pitika omuntu gulwe a longithe ko kepandja lyoye, mwa kwatelwa shi na sha:

(1) nepitiko lyokulongitha oshilongitho nenge lyepandja lyoye.

(2) okukala ino gamena ongodhi yoye ndjoka ho longitha nayo oshilongitho shika.

4.3 Eyakulo lyomatseyitho

(a) Owa zimina okukala ho tuminwa omatseyitho pangodhi, mwa kwatelwa omadhimbulukitho nenge omatsomukumo. Omatseyitho ngaka ota ga ka za owala kutse.

(b) Oto vulu okuhogolola okukala ino taamba omatseyitho gamwe po, to shi ningi nokulundulula ongodhi yoye nenge iilongithomwa yoye yilwe yokomalungula.

(c) Owa zimina kutya otatu vulu oku ku tumina omatumwalaka nenge omatseyitho ge na sha nepandja lyoye nenge negameno lyepandja lya tya ngeyi, nuuna wa lundulula ongodhi yoye pamukalo ngono ando omatseyitho ga tya ngeyi ga dhima.

5. Epandja Lyoye

5.1 Pakwalukehe

(a) Oto vulu okutota epandja lyoye moshilongitho shika shokomalungula (App), to shi ningi noku tula mo uukwatya woye moshilongitho sha tya ngeyi.

(b) Uuna wa patulula epandja lya tya ngeyi nena owa tota po okambo koye (account) mepandja lya tya ngeyi. Okambo koye hoka ota ka kala ka gamenwa moompunungulio moAustralia, itaa ka vulu okudhimbululwa.

(c) Uuyelele mboka tawu ka kala wa pungulwa mepandja lyoye owa kwatela mo uuyelele ngaashi ta wu landula, uuna we wu tu pa okupitila moshilongitho shika shokomalungula (App)

(1) edhina lyoye nenge oshilukadhina

(2) edhina lyokaana koye nenge oshilukadhina shako

(3) omwedhi nomumvo gwokuvalwa gwevalo gwokaana koye

(4) uuyelele wu na sha nankene ngoye nenge okaana koye taka longitha nota ka yamukula kombinga yiilonga nomadhiladhilothaneko ga gandjwa koshilongitho shika shokomalungula (App)

5.2 Nkene to vulu okulundulula epandja lyoye

(a) Oto vulu okulundulula epandja lyoye, to kutha mo uuyelele nenge to wu lundulula moshilongitho shika shopamalungula. Shika osha kwatela mo edhina lyokaana koye, nomwedhi nomumvo ngoka ka valwa

(b) Epandja lyoye owa manguluka oku li dhima mo kehe ethimbo ndyoka wa tokola oku shi ninga

(1) we tu tseyithila uuna epandja lyoye li iyakelwa kuyamwe mboka kaye na uuthemba; na

(2) ingambeka okupatulula epandja lyomuntu gulwe, kakele uuna e ku pa epitikilo lya yela.

6. Oshikalimo shoye

(a) Uuna wa patulula epandja lyoye mwene (Profile) oto ka vula oku tu lombwela nkene ngoye nokaana koye tamu longitha omaudhano nenge omaulikothaneko mwe ga kutha koshilongitho shika. Uuyelele mbuka otawu ka pungulwa kepandja lyoye ndyoka lya gamenwa

(b) Uuna wa tota po epandja lyoye oto ka vula wo okupungula ko omathano nuuvideo woye nowokaana koye. Omathano ngaka nuuvideo otawu ka pungulwa owala mongodhi yoye, no itawu ka tulwa ko kutse nenge wu pungulwe kepandja lyoye

(c) Kakele komathano nenge uuvideo ongoye mwene we ga tula ko, Oshikalimo shokepandja lyoye otashi ka pungulwa wo kepandja lyoye

Mpaka oto kwashilipaleke kutya “Oshikalimo Shoye” otashi ka kala shi iyutha koompango nomilandu ndhika noitashi:

(1) Ka kala shaa li paveta;

(2) Itashi ka kwata komeho uuthemba waantu yalwe, natse wo twa kwatelwa mo;

(3) Itashi ka lundila omuntu nenge shi totele omuntu oohapu;

(4) Itashi ka tuka omuntu nenge shi popye iinima iiwinayi kombinga yomuntu;

(5) Itashi ka ya moshipala uuthemba wu na sha nuuyelele wopaumwene mboka wa gamenwa kooveta dhilwe dhi na sha nokugamena uuyelele;

(6) shi ka kale sha ulika iinima ya nika uukolokoshi

(7) Shi ka kale sha tukana, sha uvitha omuntu nayi, sha gandja euveko li li pombambo, shi li sha fa nika uulingilingi, tashi haula omuntu, sha fa sha kwatela mo uuyelele ita wu tsu kumwe naantu oyendji, sha kalela po uutondwe nenge okatongo nenge tashi hwahwameke pamikalo omiwinayi?

7. Egameno lyuuyelele

7.1 Uuyelele wopaumwene

(a) Nkene hatu gongele, okupungula, elongitho nenge okugandja uuyelele wopaumwene wu na sha naantu taa longitha oshilongitho shika osha ndjandjukununwa momulandu gwokugamena uuyelele wopaumwene.

7.2 Uuyelele wulwe

Oto pitike nowa taamba ko kutya otatu ka kala tu na ompito yokulongitha omauyelele ngoka ge li kepandja lyoye mwa kwatelwa:

(a) elongitho lyoshilongitho shika (mwa kwatelwa uuna to ka longitha, uulethimbo wa longitha noko server yini ongodhi yoye ya kwatakana noshilongitho shika;

(b) uukwatya wongodhi yoye noludhi lwongodhi ndjoka to longitha mokukwatathana noshilongitho shika;

8. Omangambeko niinima mbyoka ya patelwa pondje

8.1 Oto koleke noto tsu kumwe kutya:

(a) oshilongitho shika osha nuninwa owala elongitho lyopaumwene noli na sha nelongo

(b) oto longitha oshilongitho shika owala uuna wa taamba ko kutya itatu ka kalela po ekanitho nenge eyonauko lya sha wa ka tsakaneka ngaashi sha tumbulwa mokatendo okatihetatu (8)

(c) oto ka pitika owala omuntu gulwe a longithe oshilongitho shika uuna omuntu ngoka gulwe a taamba ko woo kutya ita tu ka kalela po ekano lya sha lya etithwa po kelongitho ngaashi sha tumbulwa mokatendo okatihetatu 8; nosho wo

(d) ngoye nayalwe woo taa ka longitha oshilongitho shika, naa kwashilipaleke kutya oshilongitho shika ota ye ke shi longitha owala melongitho itaali eta uupyakadhi washa kuyalwe nenge wu etithe ekano lyasha nenge uuwehame washa ngele oshilongitho osha yonuka nenge inaashi longa ngaashi sha li shi na okulonga.

8.2 Otatu shi taamba ko mpano kutya kakele kuuthemba mboka twe wu ku pa mpano, owu na woo uuthemba wulwe mboka wa thikama mooveta tadhi kwandjangele niinima oyo tuu mbika, noita tu ka vula okupatela kondje yomilandu nenge omauvathano ngaka, ooveta dha tya ngaaka shii kwatelela kelongitho lyoye lyoshilongitho shika

(a) kakele uuna sha tothwa mo momilandu ndhika nomeuvathano ndika, otatu patele kondje omakwashilipakelo galwe

(b) otwa patela wo kondje oshimpwiyu shi na sha nekano, eyonuko nenge ondando ya sha yi na sha nelongitho; na

(c) Ondjo yasha tu yi ku na inaayi patelwa kondje komilandu ndhika, oya ngambekwa ashike kokupangelitha nenge okupingena po oshilongitho shika

8.3 Oto tsu kumwe nenge to uvaneke kutya ito ka eta nande oonkalankongo dhopaveta okutaalela aaniilonga yetu shi na sha nekano nenge neyonuko to ke li tsakaneka mokulongitha oshilongitho shika nenge sha ziilila momilandu nomeuvathano ndika

8.4 Otu na uuthemba okulundulula elongitho nomakwatho taga adhika koshilongitho shika, notu na woo uuthemba okukaleka po oshilongitho shika, inaa tu pumbwa okupula nando olye nenge tu fatululile lye.

8.5 Oshilongitho shika otashi vulika shi ka kale ethimbo lyontumba itaashi longo, tashi pangelwa nenge ngaa pe na eyonuko lya sha

8.6 ku na uuthemba washa wokufutwa nenge oofuto dhilwe, uuna oshitopolwa shimwe shoshilongitho sha lunduluka, uuna twa kaleka po oshilongitho shika nenge uuna sha yonuka, nenge pe na ngaa epuko lyasha li na sha noshilongihto shika

9. Uulethimbo nomukalo gwoku shi hulitha po

9.1 Omilandu neuvathano ndika otali ka kala li li miilonga okuza owala sho wa longitha oshilongitho shika lwotangotango, nokuza mpoka kehe pompito to ke shi longitha, kakele uuna otse twe shi hulitha po (Uulethimbo)

9.2 Ngele otwa hulitha po omilandu ndhika neuvathano ndika, owu na oku hulitha po wo elongitho lyoshilongitho shika nenge okupitika aantu yalwe ya longithe oshilongitho shika

9.3 Uutendo 3.1, 6(d), 8, 9.2, 9.3 na 11 otawu ka tsikila wu na omwenyo nonande euvathano nenge omulandu ogwa hulithwa po

9.4 Inaa tu gandja po uuthemba wetu wulwe tawu zi meuvathano ndika, ngele owa kala inwi iyutha komilandu ndhika, nenge tatu fekele kutya inwi iyutha komilandu ndhika, otashi vulika tu:

(a) tu ku tumine omalondhodho ta tu endele moshilongitho shika (App);

(b) tu kale twe ku keelela elongitho lyoshilongitho shika pakathimbo;

(d) Tu kaleke epandja lyoye pakathimbo nenge tu li dhime mo

9.5 Uuna twe ku keelela mokulongitha oshilongitho shika shokomalungula, ino ka kambadhala wu longithe oshilongitho shika pamukalo guulingilingi nokutota po epandja limwe nosho tuu

9.6 Ngele otwe ku keelele nenge tu ku kuthe ko koshilongitho shka, otatu vulu okuhulitha po euvathano ndika

10. Omauvathano giilongitho iikwawo yokomalungula10.1 Iitokolwa yilwe

Kakele komilandu ndhika, elongitho lyoye lyoshilongitho shika otali ka kala lya uthwa komilandu dhi na sha niilongitho iikwawo yi na sha nomalungula (platforms) ngaashi www.apple.com/legal na https://play.google.com/about/play-terms.html).

10.2 Apple

Ngele oshilongitho owe shi kongo wa longitha iilongitho yo Apple (mwa kwatelwa App Store nenge iTunes Store) nenge ongodhi yi ba Apple iOS:

(a) Omilandu ndhika otadhi tula po owala euvathano pokati ketu nangoye, noka li na sha naApple. Apple ke na sha noshilongitho shika nenge noshikalimo shasho

(b) Ota tu pitike wu longithe oshilongitho shika kongodhi yo Apple iOS ndjoka yoye mwene nenge yi li miikaha yoye, noto yi longitha pamilandu dha pitikwa kuApple okulongitha ongodhi ndjoka

(c ) Apple ita ka kala e na oshinakugwanithwa sha sha shokupangela nenge oku ku yakula shi na sha noshilongitho shika;

(d) Apple ke na sha nokukonaakona, okuigamena nenge okufuta omuntu omutitatu shi na sha nooveta dhiinima yopaumwene inaa dhi gwanithwa po nenge dha yonwa

(e) Apple ita ka kala e na oshinakugwanithwa shi na sha nangoye nenge shomuntu omutitatu shi na sha noshilongitho shika, nenge shi na sha naashi wu na oshilongitho shika nenge to shi longitha, mwa kwatelwa ndee haayihe ya ndjandjukununwa mpaka:

(1) Iimbuluma yi na sha niiyetwa;

(2) Oshimbuluma sha etwa po molwaashi oshilongitho inaa shi gwanitha po ooveta nenge omilandu dhontumba dha tulwa po

(3) Oshimbuluma sha ziilila megamemo lyooveta dhaalandi (consumer protection) nenge ooveta oonkwawo dhe dhi fa

(f) Ngele oshilongitho shika ina shi gwanitha po omakwawshilipaleko (warranty) gontumba, oto vulu okudhengela Apple, ngoka te ke ku shunithila oshimaliwa shoye shoka wa futa mokulanda (ngele osha kwatelwa mo mekwashilipaleko lya tya ngeyi) mpoka pe thike sha pitikwa koveta, nokuza mpoka Apple ke na wee oshinakugwanithwa sha sha kombinga yoshilongitho shika

10.3 Google

Uuna wa longitha Google opo wu adhe koshilongitho shika nenge wa longitha Google Play, nenge ongodhi yoAndroid:

(a) Google ita ka kwathela mokukaleka po oshilongitho shika nenge moku shi pangela, nenge okuyamukula omakemo ge na sha noshilongitho shika

(b) Aantu yalwe otashi vulika ya gongele woo uuyelele wu na sha nelongitho lyoye lyongodhi yo Android nosho woo elongitho lyoshilongitho shika (App)

(c) Ehangano lyoGoogle otashi vulika li ka gongele, li pungule nenge li longithe uuyelele wu na sha nelongitho lyoshilongitho shika nongodhi yoye yo Android. Oto vulu oku ileshela uuyelele wa gwedhwa ko kwaashika nkene Google ha longitha uuyelele woye ko website ya Google (www.google.com).

11 Uuyelele gulwe

11.1 Omalunduluko

(a) Omilandu ndhika otashi vulika dhi ka lunduluke paempito dhi ili nodhi ili

(b) Uuna tatu ka lundulula omilandu ndhika, otatu ke ku shangela tu ku tseyithile kutya opwe ya omalunduluko, nomilandu ndhoka omipe otadhi ka ya miilionga okuza ngaa esiku twe ku tseyithila. Ngele ito tsu kumwe nomilandu ndhika, kala wa hulitha po elongitho lyoshilongitho shika shokomalungula (App).

11.2 Shoka tashi vulu okugandjwa miikaha yayalwe

(a) Ohashi vulika tu ka gandje uuthemba wetu kuyalwe, nenge tu taambathane nayalwe iinakugwanithwa nuuthemba wu na sha nomilandu ndhika inaa tu ku pula epitikilo

(b) Ngoye ku na epitikilo

11.3 Shoka tashi vulu okutopolwa ko

(a) Ngele oshitopolwa shontumba shomauvathano nomilandu ndhika osha ka tokolwa komupangulilo nenge kelelo lyontumba onga shaa li paveta nenge itashi vulu okutulwa miilonga, iitopolwa iikwawo otayi tsikile nokukala yi na oonkondo

(b) Ngele opu na oshitopolwa shomilandu ndhika tashi vulu oku kala sha pewa oonkondo paveta ngele sha tetulwa nenge oshitopolwa shontumba sha kuthwa ko, nenge oshitopolwa sha tya ngawo otashi talika ko ongaashi sha tetulwa nale, noshitopolwa sha thigala ko tashi kala shi na oonkondo

11.4 Euvathano alihe

Omauvathano ngaka nomilandu dhago oga kwatela iinima ayihe twa uvathana shi na sha nokulongitha oshilongitho shika, notashi ka pingena po omauvathano agehe ga li ga ningilwe metetekelo shi na sha nelongitho lyoshilongitho shika

11.5 Oveta nehala paveta moka mwa kwatelwa omilandu ndhika

(a) Omilandu ndhika nooveta dhelongitho lyoshilongitho shika otadhi wilikwa kooveta ndhoka dha tulwa po moWesterna Australia naamboka taa ka shaina omukanda nguka ota ye k iigandja miikaha yooveta ndhoka dhi li miilonga moshitopolwa shaWestern Australia.

(b) Kehe gumwe e li meuvathano ndika ota ka kala a gana kutya ita ka pataneka ehala ndyoka tali ka tokolwa onga ehala lyokupangulila okwaahatsa kumwe kwasha ta ku ka za meuvathano ndika .

11.6 Mbyoka ya hololwa kohi yoveta nenge yomilandu dhontumba dhi li po

(a) Otwa shangithwa momusholondondo gwaanangeshefa yomuAustralia (Australian Business Register)

(b) Omusholondondo nguka gwaanangeshefa yomuAustralia otagu adhika wo pepandja ta li landula http://www.abr.business.gov.au.

11.7 Omakwashilipaleko (General Warranties)

Kehe omukuthimbinga ota kwashilipalekele mukwawo kutya:

(a) Ota vulu okugwanitha po iinakugwanithwa ye kohi yoompango nomilandu ndhika; nota ka

(b) iutha aluhe koompango

11.8 Uukwatya wetu

(a) Ombelewa yetu oyi li mepandaanda 171-173 Mounts Bay Road, Perth, Western Australia, 6000

(b) Oto vulu oku tu mona pamukalo gwa landula:

(1) Papoosa at PO Box 3155, Broadway Nedlands, Western Australia 6009, attention to Thrive By Five App;

11.9

(2) Pangodhi +61 8 6460 4949, pokati kootundi 9:00 yongula notundi 5:00 komatango okuza Omaandaha sigo Etitano

(3) pa email hello@thrivebyfive.com